નવી દિલ્હી,તા. 20 સપ્ટેમ્બર 2022, મંગળવાર 

સુપ્રીમ કોર્ટમાં હિજાબ મામલે સુનાવણી ચાલુ છે, આજે સુનાવણીનો 8મો દિવસ છે. જેમાં જસ્ટિસ હેમંત ગુપ્તા અને જસ્ટિસ સુધાંશુ ધુલિયાની બેન્ચે આજે કર્ણાટકમાં શૈક્ષણિક સંસ્થાઓમાં હિજાબ પહેરવા પરના પ્રતિબંધને પડકારતી અરજીઓ પર સુનાવણી કરી હતી. 

હિજાબ બૈન પર કોર્ટમાં હાજર રહેલા એડવોકેટ દુષ્યંત દવેએ જણાવ્યું કે, કલમ 25 અને 26 હેઠળનું સંરક્ષણ ધાર્મિક પ્રથા સાથે છે જે ધર્મનો અભિન્ન અને આવશ્યક ભાગ છે. જે ધર્મનું અભિન્ન અને આવશ્યક અંગ છે. આ અભ્યાસ ધાર્મિક અભ્યાસ હોઈ શકે છે, પરંતુ તે ધર્મના અભ્યાસનો એક આવશ્યક અને અભિન્ન ભાગ નથી. તે બંધારણ દ્વારા સુરક્ષિત નથી, પરંતુ સરકારની આ દલીલ યોગ્ય નથી. 

જસ્ટિસ ધુલિયાએ કહ્યું કે, શું આપણે જરૂરી ધાર્મિક પ્રથાઓને અલગ કરીને પરિસ્થિતિનો સામનો ન કરી શકીએ? જેના જવાબમાં દવેએ જણાવ્યું હતું કે હાઇકોર્ટે માત્ર આવશ્યક ધાર્મિક પ્રથાના આધારે જ મામલાને નિકાલ કર્યો છે. 

સુપ્રીમ કોર્ટે કહ્યું કે, યુનિફોર્મ શ્રેષ્ઠ લેવલર છે. એક જ પ્રકારના કપડાં પહેરવાથી જુઓ, છાત્ર અમીર હોય કે ગરીબ બધા એક જ જેવા દેખાય છે. 

જેના પર વકીલ દવેએ કહ્યું કે, જો છોકરીઓ હિજાબ પહેરવા માંગતી હોય તો આનાથી કોના બંધારણીય અધિકારનું ઉલ્લંઘન થયું છે? અન્ય વિદ્યાર્થીનું કે પછી શાળાનું?

દવેએ કહ્યું કે, હિજાબ ગરિમાનું પ્રતિક છે. જે એક મુસ્લિમ સ્ત્રીને હિંદુ સ્ત્રીની જેમ આદરણીય બતાવે છે, જ્યારે તે સાડીથી માથું ઢાંકે છે ત્યારે તે આદરણીય લાગે છે. 

મહત્વનું છે કે, બેન્ચ સમક્ષ 23 અરજીઓની બેચ લિસ્ટેડ છે. તેમાંથી કેટલીક મુસ્લિમ વિદ્યાર્થિનીઓને હિજાબ પહેરવાના અધિકારની માગણી કરતી સુપ્રીમ કોર્ટમાં સીધી દાખલ કરાયેલી રિટ પિટિશન છે. કર્ણાટક હાઈકોર્ટના 15 માર્ચના ચુકાદાને પડકારતી કેટલીક અન્ય leave petitions પણ છે જેણે હિજાબ પ્રતિબંધને સમર્થન આપ્યું હતું.