મહાયુદ્ધ વચ્ચે રશિયાએ યુક્રેન પર અત્યાર સુધીનો સૌથી મોટો હુમલો કર્યો છે. યુક્રેન રશિયા પર તેના બખમુત શહેર પર ફોસ્ફરસ બોમ્બ વડે હુમલો કરવાનો આરોપ મૂક્યો હતો. યુક્રેની સૈન્ય દ્વારા શેર કરવામાં આવેલા એક ડ્રોન ફૂટેજમાં જોઈ શકાય છે કે શહેરની ઉપર ફોસ્ફરસનો વરસાદ થઈ રહ્યો છે. તેમાં આખા શહેરને આગની લપેટમાં આવતું જોઈ શકાય છે. 

Not enough shells, but more than enough phosphorus.
Ruscists are shelling unoccupied areas of Bakhmut with incendiary ammunition.
They will burn in Hell.

📷 @SOF_UKR pic.twitter.com/7oqNTumJ34

— Defense of Ukraine (@DefenceU) May 5, 2023

સફેદ ફોસ્ફરસ હથિયારો પર પ્રતિબંધ મૂકાયો નથી

ઉલ્લેખનીય છે કે સફેદ ફોસ્ફરસ હથિયારો પર પ્રતિબંધ મૂકાયો નથી પણ નાગરિક ક્ષેત્રોમાં તેનો ઉપયોગ યુદ્ધ અપરાધ મનાય છે કેમ કે તે ઝડપથી ફેલાય છે અને તેને ઓલવવા ખૂબ જ મુશ્કેલ હોય છે. રશિયા પર અગાઉ પણ આ બોમ્બનો ઉપયોગ કરવાનો આરોપ લાગી ચૂક્યો છે. ટ્વિટર પર માહિતી આપતા યુક્રેનના સંરક્ષણ મંત્રાલયે જણાવ્યું કે આ હુમલામાં બખમુપને નિશાન બનાવી અગનગોળા સાથે ફોસ્ફરસ આગની જેમ વરસાવાયો હતો. આ ઘટના ક્યારે બની તેની કોઈ સ્પષ્ટ માહિતી તો નથી અપાઈ પણ વીડિયો ફૂટેજથી જણાય છે કે રશિયાના હુમલાથી બખમુત શહેરની ઊંચી ઈમારતો આગમાં બળી રહી છે. 

એક વર્ષથી વધુ સમય થઈ ગયો યુદ્ધને 

રશિયા અને યુક્રેન વચ્ચે છેલ્લા એક વર્ષ કરતાં પણ વધારે સમયથી યુદ્ધની સ્થિતિ જોવા મળી રહી છે. લાખો લાશો અને અબજોની સંપત્તિ બરબાદ થવા છતાં આ યુદ્ધના હજુ સુધી કોઈ મહત્ત્વપૂર્ણ પરિણામ આવ્યા નથી. આ દરમિયાન શંકાસ્પદ રાજકીય મહત્ત્વ છતાં રશિયા મહિનાઓથી યુક્રેનના બખમુત શહેર પર કબજો કરવાનો પ્રયાસ કરી રહ્યું છે.