નવી દિલ્હી, 9 ઓગસ્ટ 2021 સોમવાર

વડા પ્રધાન નરેન્દ્ર મોદીએ આજે UNSC ની હાઇ લેવલ બેઠકની અધ્યક્ષતા કરી અને બેઠકને સંબોધતા સમુદ્ર સુરક્ષા વધારવાનાં વિષય પર ભાર મુકતા તેમણે કહ્યું કે આજે આતંકી ઘટનાઓ અને સમુદ્ર લુંટારાઓ માટે દરિયાઇ માર્ગોનો ઉપયોગ થઇ રહ્યો છે, એટલા માટે જ આ વિષયને સુરક્ષા પરિષદની પાસે લઇને આવ્યા છે.  

PM મોદીએ જણાવ્યું કે સામુદ્રિક વિવાદોનું સમાધાન શાંતિપુર્ણ અને આંતરરાષ્ટ્રિય કાયદાઓનાં આધારે થવું જોઇએ, આપણે સમુદ્રમાં ઉત્પન્ન કુદરતી  હોનારતો અને પડકારોનો સાથે મળીને સામનો કરવો જોઇએ, આને આ સંબંધમાં સહયોગ વધારવા પર ભારતે ઘણા પગલા લીધા છે, સમુદ્ર વ્યાપારને વધારવા માટે સમુદ્ર ઇન્ફ્રાસ્ટ્રક્ચરને પણ વધારવાની જરૂર છે.

તેમણે વધુંમાં કહ્યું કે આપણે સમુદ્ર પર્યાવરણ અને સમુદ્ર સંસાધનોને પણ સાચવીને રાખવા જોઇએ, સમુદ્ર વેપારમાં કોઇ પણ અવરોધ વૈશ્વિક અર્થતંત્રને નુકસાન પહોંચાડી શકે છે, કાનુની સમુદ્ર વ્યાપારને દુર કરવાનું આહવાન કરતા તેમણે કહ્યું કે વિવાદોને શાંતિપુર્વક અને આંતરરાષ્ટ્રિય કાયદા પ્રમાણે ઉકેલવા જોઇએ. 

પીએમ મોદીએ પાંચ મંત્રો આપ્યા

બેઠકની અધ્યક્ષતા કરતા પીએમ મોદીએ સભ્યો સમક્ષ પાંચ સિદ્ધાંતો પણ મૂક્યા. પાંચ સિદ્ધાંતો સમજાવતા પીએમે કહ્યું કે પહેલા આપણે કાયદેસર દરિયાઈ વેપારમાં અવરોધો દૂર કરવા જોઈએ. આપણા બધાની સમૃદ્ધિ દરિયાઇ વેપારના સક્રિય પ્રવાહ પર આધારિત છે. આમાં આવતી અડચણો સમગ્ર વૈશ્વિક અર્થતંત્ર માટે પડકાર બની શકે છે.

બીજો સિદ્ધાંત: દરિયાઈ વિવાદો શાંતિપૂર્ણ રીતે અને આંતરરાષ્ટ્રીય કાયદાના આધારે ઉકેલવા જોઈએ. પરસ્પર વિશ્વાસ અને આત્મવિશ્વાસ માટે આ જરૂરી છે. આના દ્વારા જ આપણે વૈશ્વિક શાંતિ અને સ્થિરતા સુનિશ્ચિત કરી શકીએ છીએ.

સિદ્ધાંત 3: આપણે એકસાથે કુદરતી આફતો અને દરિયાઈ જોખમોનો સામનો કરવો પડશે જે નોન-સ્ટેટ એક્ટર્સ દ્વારા પેદા કરવામાં આવે છે. ભારતે આ વિષય પર પ્રાદેશિક સહયોગ વધારવા માટે અનેક પગલાં લીધા છે.

ચોથો સિદ્ધાંત: આપણે દરિયાઈ પર્યાવરણ અને દરિયાઈ સંસાધનોનું જતન કરવું જોઈએ. આપણે જાણીએ છીએ તેમ, મહાસાગરોની સીધી અસર આબોહવા પર પડે છે. તેથી, આપણે આપણા દરિયાઇ વાતાવરણને પ્લાસ્ટિક અને ઓઇલ લિકેજ જેવા પ્રદૂષણથી મુક્ત રાખવું પડશે.

પાંચમો સિદ્ધાંત: આપણે જવાબદાર દરિયાઈ સંપંર્કને પ્રોત્સાહન આપવું જોઈએ. આવા ઇન્ફ્રાસ્ટ્રક્ચર પ્રોજેક્ટ્સનાં વિકાસ માટે દેશોની નાણાકીય સ્થિરતા અને શોષણ ક્ષમતાને ધ્યાનમાં લેવી પડશે.