જમ્મુ-કાશ્મીરના બડગામમાં સુરક્ષાદળો અને આતંકવાદીઓ વચ્ચે એન્કાઉન્ટર શરૂ થયું છે. આ સાથે સમગ્ર વિસ્તારમાં સર્ચ ઓપરેશન શરૂ કરવામાં આવ્યું છે. આ વિસ્તારમાં સર્ચ ઓપરેશનની કાર્યવાહી તેજ કરી દેવમાં આવી છે. આતંકવાદીઓને પકડવા માટેના માર્ગો પર સુરક્ષા દળો તૈનાત છે. 

#Encounter has started at Redbugh, Magam area of #Budgam. Police and security forces are on the job. Further details shall follow.@JmuKmrPolice

— Kashmir Zone Police (@KashmirPolice) January 15, 2023

પોલીસને આતંકવાદીઓ હોવાની માહિતી મળી હતી

આજે મધ્ય કાશ્મીરના બડગામ જિલ્લાના મગામ વિસ્તારમાં રેડબગમાં આતંકવાદીઓ અને સુરક્ષાદળો વચ્ચે અથડામણ થઈ હતી. સુત્રોના અહેવાલોમાં કહેવામાં આવ્યું છે કે સેના, સીઆરપીએફ અને પોલીસની સંયુક્ત ટીમે આ વિસ્તારમાં કેટલાક આતંકવાદીઓની હાજરી વિશે વિશ્વસનીય માહિતી પ્રાપ્ત કર્યા પછી લાલબાગ, માગમ વિસ્તારમાં ઘેરાબંધી અને સર્ચ ઓપરેશન શરૂ કર્યું હતું. પોલીસ અધિકારીએ કહ્યું કે મધ્ય કાશ્મીરના બડગામ જિલ્લાના રેડબગ મગામમાં આતંકવાદીઓની હાજરીની માહિતી મળી હતી. આ પછી સંયુક્ત સર્ચ ઓપરેશન શરૂ કરવામાં આવ્યું હતું. જ્યારે સુરક્ષાદળો એક ઠેકાણા પર પહોંચ્યા ત્યારે આતંકવાદીઓએ તેમના પર ગોળીબાર કર્યો. આ પછી સુરક્ષાદળોએ પણ જવાબી કાર્યવાહી કરી હતી. આ અંગે કાશ્મીર ઝોન પોલીસે ટ્વિટ કરી જાણકારી આપી હતી.