- આવતા અઠવાડિયે વિશ્વની વસ્તીમાં મોટો ફેરફાર 

- 15 નવેમ્બર સુધીમાં, પૃથ્વી પર મનુષ્યોની સંખ્યા વધીને આઠ અબજ થશે 

- ભારત 2023 સુધીમાં ચીન કરતા વધુ વસ્તી ધરાવતો દેશ બનશે

- ચીનની 1.4 અબજ વસ્તી ધીમે ધીમે ઘટવા લાગશે 

- 2050માં યુએસ ત્રીજા નંબરે સૌથી વધુ વસ્તી ધરાવતો દેશ હશે 

નવી દિલ્હી,તા.8 નવેમ્બર 2022,મંગળવાર

આવતા અઠવાડિયે વિશ્વની વસ્તીમાં મોટો ફેરફાર થવાનો છે. યુનાઈટેડ નેશન્સ અનુસાર આગામી સપ્તાહે વિશ્વની વસ્તી આઠ અબજ સુધી પહોંચી  જવાની છે. યુનાઈટેડ નેશન્સ ડિપાર્ટમેન્ટ ઓફ પોપ્યુલેશનએ જણાવ્યું હતું કે આગામી દાયકાઓમાં વસ્તી વધતી રહેશે, 2050 સુધીમાં આયુષ્ય વધીને સરેરાશ 77.2 વર્ષ થશે. 15 નવેમ્બર સુધીમાં, પૃથ્વી પર મનુષ્યોની સંખ્યા વધીને આઠ અબજ થઈ જશે. ભારત માટે ખતરાની ઘંટડી વાગી રહી છે, કારણ કે એવો અંદાજ છે કે દેશની વસ્તી સતત વધશે અને 2050 સુધીમાં તે 1.7 અબજને પાર કરી શકે છે. યુનાઈટેડ નેશન્સ અનુસાર, 2021 માં, સરેરાશ પ્રજનન દર સ્ત્રી દીઠ 2.3 બાળકો હતા, જે 1950 માં લગભગ પાંચ કરતા ઓછા હતા, જે 2050 સુધીમાં ઘટીને 2.1 થઈ જશે.

યુનાઈટેડ નેશન્સ આગાહી કરે છે કે વિશ્વની વસ્તી 2030 માં લગભગ 8.5 અબજ, 2050 માં 9.7 અબજ અને 2080 માં લગભગ 10.4 અબજ સુધી વધી જશે. જુદા જુદા પ્રદેશોમાં સરેરાશ ઉંમર પણ અલગ છે. સરેરાશ ઉંમર હાલમાં યુરોપમાં 41.7 વર્ષ છે જ્યારે સબ-સહારન આફ્રિકામાં 17.6 વર્ષ છે. સ્નો કહે છે કે આ અંતર આજના જેટલું મોટું ક્યારેય નહોતું. આ સંખ્યા અલગ હોઈ શકે છે, પરંતુ ભૂતકાળની જેમ નહીં જ્યારે દેશોની સરેરાશ ઉંમર મોટાભાગે નાની હતી. મિસ સ્નો આગળ કહે છે કે ભવિષ્યમાં તે કદાચ વધવાની શક્યતા હોઈ શકે છે.

ચીનની વસ્તી ધીમે ધીમે ઘટતી જશે

કેટલાક નિષ્ણાતો માને છે કે આ પ્રાદેશિક વસ્તી વિષયક તફાવતો આગળ જતા ભૌગોલિક રાજનીતિમાં મહત્વપૂર્ણ ભૂમિકા ભજવી શકે છે. તે જ સમયે, ચીનની 1.4 અબજ વસ્તી ધીમે ધીમે ઘટવા લાગશે અને 2050 સુધીમાં તે 1.3 અબજ સુધી પહોંચી જશે. આ સદી સુધીમાં વસ્તી માત્ર 80 કરોડ સુધી રહી શકે છે. બીજી તરફ,  જો ભારતની વાત કરીએ તો 2023 સુધીમાં તે ચીન કરતા વધુ વસ્તી ધરાવતો દેશ બની શકે છે. તેમજ 2050 સુધીમાં તે 1.7 અબજને પાર કરી શકે છે. 2050માં અમેરિકા ત્રીજા નંબરનો સૌથી વધુ વસ્તી ધરાવતો દેશ રહેશે.