જમ્મુ અને કાશ્મીરમાં આગામી અમરનાથ યાત્રાની તૈયારીઓ અને સુરક્ષા વ્યવસ્થાઓની સમીક્ષા કરવા માટે કેન્દ્રીય ગૃહ પ્રધાન અમિત શાહે આજે ઉચ્ચ સ્તરીય બેઠક બોલાવી છે. અમરનાથ યાત્રા 1 જુલાઈથી શરૂ થશે અને 31 ઓગસ્ટ સુધી ચાલશે. સૂત્રો પાસેથી મળતી માહિતી મુજબ આ વર્ષે પણ યાત્રાને લઈને આતંકી હુમલાની શક્યતા છે.

Amit Shah to chair high-level meeting regarding Amarnath Yatra's preparedness

Read @ANI Story | https://t.co/sppKjDAns0#AmitShah #homeministerofindia #Amarnathyatra pic.twitter.com/ivZcOmvxzF

— ANI Digital (@ani_digital) June 9, 2023

ગયા વર્ષે 3.45 લાખ યાત્રાળુઓએ મુલાકાત લીધી હતી 

અમરનાથનું પવિત્ર ગુફા મંદિર દક્ષિણ કાશ્મીર હિમાલયમાં 3,880 મીટરની ઉંચાઈ પર આવેલું છે. ગયા વર્ષે 3.45 લાખ લોકોએ મુલાકાત લીધી હતી. આ વર્ષે આ આંકડો 5 લાખ સુધી જઈ શકે છે.

અમિત શાહની સુરક્ષાને લઈ ઉચ્ચ સ્તરીય બેઠક

સૂત્રોના જણાવ્યા અનુસાર, ગૃહમંત્રી અમિત શાહ કેન્દ્ર સરકાર અને જમ્મુ-કાશ્મીર પ્રશાસનના ઉચ્ચ અધિકારીઓ સાથે અમરનાથ યાત્રાની તૈયારીઓની સમીક્ષા કરશે. તેમણે કહ્યું કે, શાહ મુલાકાત માટે યોગ્ય તૈયારીઓ સુનિશ્ચિત કરવા માટે ચાલી રહેલી યોજનાઓનો પણ ધ્યાને લેશે. તીર્થયાત્રા સાથે જોડાયેલા અન્ય લોકો પણ આ બેઠકમાં હાજરી આપે તેવી શક્યતા છે.

પૂરતા પ્રમાણમાં સુરક્ષા દળો તૈનાત કરવામાં આવશે

સૂત્રોના જણાવ્યા અનુસાર, પાકિસ્તાન સ્થિત આતંકવાદી સંગઠનો તીર્થયાત્રામાં વિક્ષેપ પાડવાનો પ્રયાસ કરી શકે છે. તેમની નાપાક યોજનાઓને નિષ્ફળ બનાવવા માટે પૂરતા પ્રમાણમાં સુરક્ષા દળો તૈનાત કરવામાં આવશે.