વડાપ્રધાન નરેન્દ્ર મોદીની આગેવાની હેઠળની ભારતીય જનતા પાર્ટીએ ગયા મહિનાની 26 તારીખે 9 વર્ષ પૂર્ણ કર્યા હતા. જેના કારણે પાર્ટી દ્વારા 31મી મેથી 30મી જૂન સુધી જનસંપર્ક કાર્યક્રમ યોજવામાં આવી રહ્યો છે. કેન્દ્રમાં 9 વર્ષ પૂરા થવા પર ભાજપે દેશભરમાં વ્યાપક જાહેર કાર્યક્રમનું આયોજન કર્યું છે, આ દરમિયાન વડાપ્રધાન મોદીએ આજે ​​એક ટ્વીટ કર્યું છે.

Proud to serve a nation that’s marching forward with undeterred resolve. From multilateral platforms to Aatmanirbhar Bharat to ‘Make in India’, every stride is a testament to the strength and spirit of our people. #9YearsOfIndiaFirst https://t.co/7OwMJLpnfg

— Narendra Modi (@narendramodi) June 11, 2023

દેશની સેવા કરવી મારા માટે ગર્વની વાત: મોદી

વડાપ્રધાન મોદીએ આજે ટ્વીટ કર્યું હતું કે, તે દેશની સેવા કરવામાં ગર્વ અનુભવે છે જે અતૂટ સંકલ્પ સાથે આગળ વધી રહ્યો છે. આ સાથે, તેમણે ભાર મૂક્યો કે દેશની દરેક છલાંગ લોકોની તાકાત છે. એટલું જ નહીં, વડાપ્રધાને દેશની નીતિને અનુસરવા અને રાષ્ટ્રીય સુરક્ષાને પ્રાથમિકતા આપવાના તેમની સરકારના અભિગમ પર એક લેખ પણ શેર કર્યો હતો.

'આત્મનિર્ભર ભારત' અને 'મેક ઇન ઈન્ડિયા' સુધીની દરેક છલાંગ શક્તિનું પ્રતિક 

પીએમ મોદીએ ટ્વીટ કરીને કહ્યું કે, મારા માટે દેશની સેવા કરવી એ ગર્વની વાત છે જે અતૂટ સંકલ્પ સાથે આગળ વધી રહ્યું છે. બહુપક્ષીય મંચોથી લઈને 'આત્મનિર્ભર ભારત' અને 'મેક ઇન ઈન્ડિયા' સુધીની દરેક છલાંગ આપણા લોકોની શક્તિ અને ભાવનાની સાક્ષી છે."

દેશભરમાં વિશાળ જનસંપર્ક કાર્યક્રમ 

ટ્વિટર પર '9 યર્સ ઓફ ઈન્ડિયા ફર્સ્ટ' હેશટેગ સાથે વડાપ્રધાન મોદીનું આ ટ્વીટ એવા સમયે સામે આવ્યું છે જ્યારે તેમની આગેવાની હેઠળની ભાજપ સરકાર કેન્દ્રમાં પોતાના 9 વર્ષ પૂર્ણ કરી રહી છે. આ ઉપરાંત મોદી સરકારના 9 વર્ષ પૂર્ણ થવાના અવસરે ભાજપ દ્વારા દેશભરમાં વિશાળ જનસંપર્ક કાર્યક્રમ અંતર્ગત વિવિધ કાર્યક્રમોનું આયોજન કરવામાં આવી રહ્યું છે.